IndiaVSPak War : ભારત અને પાકિસ્તાન વચ્ચેની સરહદ પર તણાવપૂર્ણ પરિસ્થિતિ વચ્ચે અંબાલાલ પટેલની આગાહી આવી છે. ગ્રહોની સ્થિતિ જોતાં યુદ્ધ જેવી પરિસ્થિતિની શક્યતા નકારી શકાય નહીં. સરકારે પોતાની સરહદોનું રક્ષણ કરવું જોઈએ. ગ્રહોની સ્થિતિને કારણે, વર્તમાન પરિસ્થિતિ 19 મે સુધી જાળવી રાખવી પડશે. પાકિસ્તાનના બલુચિસ્તાન સાથે ઉત્તર ભારતની સરહદોનું રક્ષણ કરવું પડશે. અને પાકિસ્તાન સાથેની ગુજરાતની સરહદોનું પણ રક્ષણ કરવું પડશે.
દરિયાઈ સીમા પર અસર પડી શકે છે.
દરિયાઈ સીમા પર અસર પડી શકે છે. ઉપરાંત, ગ્રહોની સ્થિતિને કારણે, સરહદો પર નવી ઘટનાઓ બની શકે છે. આતંકવાદી પ્રવૃત્તિઓને કારણે હજુ પણ અસર થઈ શકે છે. જેમાં ઓગસ્ટ મહિનામાં પણ ઘણી ઘટનાઓ બની શકે છે. પાપી ગ્રહોને કારણે બોમ્બ વિસ્ફોટ જેવી ઘટનાઓ બની શકે છે. અને રાજકારણીઓ પણ ગ્રહોથી પ્રભાવિત થઈ શકે છે. અંબાલાલ પટેલ હવામાનની આગાહી માટે જાણીતા છે. તેઓ વરસાદથી લઈને તોફાન સુધીની દરેક વસ્તુની આગાહી કરતા રહે છે. આજે પણ તેમણે રાજ્યમાં ગરમી અને વરસાદની આગાહી કરી છે. જોકે, આશ્ચર્યજનક વાત એ છે કે હવામાનની આગાહી કરવાની સાથે, અંબાલાલ પટેલે એક રાજકીય આગાહી પણ કરી છે. અંબાલાલ પટેલની આ રાજકીય આગાહી બાદ અનેક તર્ક વિતર્ક થઈ રહ્યા છે.
અંબાલાલ પટેલની રાજકીય આગાહીઓ જાણો
તેમણે કહ્યું કે ૧૯ મે પહેલા ગુજરાત સરકારમાં પરિવર્તન આવશે. ગુજરાત સરકાર સ્થિર છે પરંતુ ખરાબ બાબતોથી બચવું મહત્વપૂર્ણ છે. તેમણે કહ્યું કે મીન રાશિમાં શનિ અને પંચગ્રહી યોગ રાજકારણ પર અસર કરશે. આસુરી સંપત્તિના ઉદયને કારણે રાજકીય ઉથલપાથલ જોવા મળશે. ટ્રમ્પના ટેરિફ મુદ્દાની અસર ગુજરાત રાજ્ય પર પણ પડશે. ગુજરાત સરકારમાં નવીનતમ ઘટનાઓ બનશે. કેન્દ્ર સરકારની સ્થિરતામાં કોઈ સમસ્યા નહીં હોય પરંતુ નવીનતાઓ હશે.
